Перамагчы стрэс: 9 заняткаў для рук і вачэй

Выпекание сладостей может быть эффективным против стресса и даже депрессии. Выпечка сочетает в себе творчество (средство самовыражения) и физическое усилие (замесить-раскатать-налепить). Одно вдыхание аромата шоколада может повысить уровень гормона радости, а угощение готовыми сладостями — это способ выразить свою любовь к другим.

Расліны ачышчаюць паветра, даюць нам шмат супакаяльнага зялёнага колеру і ўздымаюць настрой. І не толькі тыя, да якіх трэба ехаць на электрычцы за горад — можна распачаць тэрапеўтычнае раслінаводства дома. Не ведаеце, з якой расліны пачаць азеляненне кватэры? Вазьміце папараць: гэта дасканалы фільтр і ўвільгатняльнік паветра, нацыянальны сімвал і татэмны летні куст.

Нават калі ў вас няма пісьменніцкіх амбіцый, пісанне цалкам можа стаць улюбёнай формай хобі і тэрапіі адначасова. Можна весці экспрэсіўны дзённік, запісваць эмоцыі, разбіраць складаныя сітуацыі, характарызаваць людзей. Можна пісаць лісты. Іх зусім не абавязкова адпраўляць адрасатам, затое будзе цікава перачытваць самім праз нейкі час. Дарэчы, дзённік эмоцый — даволі частая парада псіхолагаў для людзей з памежным расстройствам асобы.

Маленькія кавалачкі з няроўнымі берагамі маюць магутную сілу: дапамагаюць адрэгуляваць узровень узбуджанасці, сканцэнтравацца і супакоіцца адначасова. Пакуль вы рэлаксуеце перад сном, ваш зрок і логіка праходзяць якасны workout. Ужо не кажучы пра безліч матываў, якія можна збіраць: ад фота прыроды да палотнаў вядомых жывапісцаў.

Кіламетры пехам хоць у горы, хоць праз лясы і паляны — гэта такая сабе медытацыя для актыўных, якая ачышчае розум і прымушае канцэнтравацца на «тут і цяпер», асабліва калі пры гэтым ёсць фізічныя высілкі. Часам можна нават злавіць няхілы дзэн ад сузірання прыроды навокал — каму што бліжэйшае: альбо гор, альбо балатоў тваіх, азёр.

Калі дапускаецца зашкал пафасу, то праца з глінай — гэта сімвал стварэння сусвету. З цяплом вашых рук і, магчыма, эмоцый, халодны, брудны матэрыял ператвараецца ў чыстую красу. Псіхолагі раяць кераміку тым, у каго была сэнсарная дэпрывацыя, то бок, адсутнасць эмоцыяў ад дотыкаў, абдымкаў. Гліна, паводле тых, хто з ёй працуе, навобмацак нагадвае скуру чалавека і можа вярнуць страчаныя адчуванні.

На шчасце, птушкі — не бездань. Яны не пачнуць глядзець у адказ на тых, хто пільна ўглядаецца ў іх справы. Дык чым жа не варыянт для адпачынку! Самы звычайны гарадскі парк ці нават двор падорыць сустрэчу з птушкамі. А далей вашая справа: карміце, фатаграфуйце, занатоўвайце ці замалёўвайце. Вельмі расслабляе і супакойвае.

Калі займацца музыкай добраахвотна і ад душы, а не па прымусе, то можна адкрыць цэлы новы сусвет. Музыка развівае творчасць, абараняе ад дэменцыі, бо трэніруе памяць і слых, паляпшае маторыку і дае магчымасць стаць зоркай вечарыны.

Дарэчы, нават калі вам не пашчасціла з музычнымі здольнасцямі, спяваць усё роўна карысна. У адзіноце, хоры ці на адмысловых занятках па тэрапеўтычных спевах.

Вязанне нясе столькі карысці, што ім можна замяняць вітаміны. Справа ў тым, што гэты занятак змяншае напругу ў цягліцах, развівае маторыку, стымулюе працу мозга, супакойвае і дапамагае змагацца са стрэсам. Прыгожыя рэчы, якія можна стварыць уласнымі рукамі, ідуць у камплекце да гэтых цуда-бонусаў!