Нафарбуй зубы, пацалуй ката! Падборка дзіўнай касметыкі з добрым настроем

Tonymoly Tako Pore Black Head Scrub Stick — дапамагае пазбавіцца ад чорных кропак на скуры. Хоць сам і чорны…

Tooth Polish — каляровыя зубы. Не ў сэнсе жоўтыя, а каляровыя, нібыта вы толькі што паснедалі вясёлкай.

Blossom Flower-Shaped Cheek Stamp. Недабразычліўцы маюць сумнеў, што вы квітнееце і пахнеце? Пакрыйцеся кветкамі, каб абвесціць усім шах і мат.

Tonymoly Haeyo Mayo Hair Nutrition Pack. Дасведчаныя людзі, кажуць, што мазік можа выправіць любы кулінарны правал. Няўжо і з валасамі дапаможа?!

Mineral-Rich Magnetic Face Mask. Кажуць, што пасля гэтай маскі вы будзеце прывабліваць позіркі навакольных. Зусім як складнікі гэтай маскі, якія трэба здымаць са скуры магнітам (на шчасце, ён ідзе ў камплекце).

Alleyoop Pen Pal (4 in 1 makeup pen). Хто не хацеў сабе тоўсценькую асадку з каляровымі стрыжнямі, той, лічы, і не жыў і ў школу не хадзіў. Прыйшоў час залячыць дзіцячыя траўмы і набыць тое самае, але з мэйкапам.

Cotton Swab lipstic. Да сумных вушных палачак далучыліся вясёлыя палачкі для вуснаў.

Unseen Color Changing Hair Dye. Яшчэ адна нагода адчуць сябе адзінарогам — фарба для валасоў, якая мяняе колер ад тэмпературы. Памятаеце, як тыя пярсцёнкі: «калі ты злуешся, то ён стане цёмным».

Paul&Joe lipsticks (bears and cat). Цалуй коцікаў, абдымай коцікаў, фарбуй вусны коцікамі! Пры гэтым ніводнага каточка не пацярпела.

Lancome La Rose a poudrer. Нясціплае абаянне старога люкса — не проста зіхатлівы хайлайтар, а хайлайтар у выглядзе зіхоткай ружы.