Беларуская вясновая касметычка за 50 рублёў

Гэтыя прадукты дапамогуць прыхаваць пігментацыю, недасканаласці кшталту чырвоных плямак ці высыпанняў. Зробяць скуру на твары аднатоннай і роўнай. Танальныя асновы і крэмы варта наносіць на ўвесь твар, не забываючыся пра шыю і вушы, а кансілеры і карэктары выкарыстоўваюць на зонах, якія прынята называць «праблемнымі» (тыя самыя недасканаласці ў выглядзе прышчоў, пачырваненняў) ці пад вачыма для таго, каб прыхаваць цёмныя кругі.

Заўвага: Перад макіяжам не забудзьцеся скарыстацца ўвільгатняльнымі сродкамі (крэм, праймер, сэрум (ён жа: сываратка) і гэтак далей).

Гэтыя сродкі выкарыстоўваюць, каб надаць твару роўны колер, прыбраць залішні бляск, падкрэсліць контур і зрабіць выгляд свежым і здаровым. Можна карыстацца ўсім адразу, а можна выбраць той прадукт, які сёння пасуе вам пад настрой.
Заўвага: Калі вы збіраецеся фарбваць павекі каляровымі ценямі, дадайце пад вочы трошкі больш пудры. Калі цені абсыплюцца, вы проста змахняце іх пэндзлікам.

Усе прадукты, якія мы сабралі ніжэй, вельмі лёгка ўжываць. Дастаткова нанесці іх на павекі аплікатарам, пэндзлікам ці проста пальцам і растушаваць. Спрабуйце спалучаць розныя колеры і тэкстуры, каб ствараць непаўторныя вясновыя вобразы!

Тушы ад беларускіх вытворцаў скараюць сэрцы якасцю і коштамі. Ніжэй мы прапануем дзве навінкі, якія варта не прапусціць. Абедзве тушы тэрмастойкія, павінны лёгка змывацца цёплай вадой без «эфекта панды», калі падчас змывання туш ператвараецца ў чорныя плямы вакол вачэй.

Раім вам абсалютны хіт у справе змагання з непаслухмянымі бровамі. Гель, які зафіксуе бровы на ўвесь дзень і лёгка змыецца. Добра спалучаецца з іншымі сродкамі і застаецца вельмі папулярным вынаходніцтвам ужо працяглы час.

Часам адных нафарбаваных вуснаў хапае для таго, каб стварыць вобраз. Тым больш, што беларускія вытворцы не абмяжоўваюць сваю фантазію, ствараючы новыя памады, бляскі і цінты. Не абмяжоўвайце і вы сябе!