Прасторы і хабы
Кропка
Адрас: Тбілісі, 500 м ад пл. Свабоды
Прастора працуе на карысць беларускай супольнасці ў Грузіі і падтрымлівае розныя ініцыятывы. Тут размешчаны каворкінг, праходзяць імпрэзы, кінапрагляды і адукацыйныя трэнінгі. Для ўсіх ахвотных адчыненыя дзверы клубаў: гістарычнага, вязальнага, кніжнага і English speaking club (18+). Ёсць таксама фем-гурток і курсы грузінскай мовы.
Буслік хаб
Адрас: Тбілісі, праспект Давіда Агмашэнебелі, 119 (3 паверх)
Прастора ў самым сэрцы Тбілісі, якая прапануе шмат розных актыўнасцяў для дзяцей і каворкінг на 6 месцаў для дарослых. Тут дзейнічае дзіцячы клуб, садок і летнік, група падрыхтоўкі да школы, гурткі па маляванні, ментальнай матэматыцы, скрэтч-праграмаванні, а таксама тэатральная студыя.
Аксяродак
Адрас: Батумі, Metaxa str. 4
Беларуская прастора ў Батумі, у якой праводзяцца мерапрыемствы для дзяцей і дарослых. Гэта канцэрты, кінапрагляды, імпрэзы з навукоўцамі, сустрэчы гістарычнага клубу, дзіцячыя гурткі. Таксама каманда «Аксяродку» праводзіць беларускамоўны летнік «Злёткі» на моры ў Поці (10-20 ліпеня), дзе будуць не толькі дзіцячыя атрады, але і атрад для дарослых!
Актыўнымі быць файна (АБФ)
Адрас: Батумі, Зубалашвілі 1
Беларуская валанцёрская ініцыятыва народнай адукацыі ў фармаце шведскіх гурткоў. Тут роўны навучае роўнага і няма месца дыскрымінацыі. Дзейнічае група псіхалагічнай падтрымкі і розныя гурткі (расклад публікуюць па панядзелках). Кожны ахвотны можа адкрыць свой гурток у АБФ, калі знойдзецца дастатковая колькасць удзельнікаў, якія захочуць яго наведваць. Апроч Грузіі, гурткі АБФ працуюць таксама ў Літве, Польшчы і Малдове.
Медыяхаб
Адрас: Батумі, Parnavaz Mepe st. 67
Каворкінг для сустрэчаў і рэалізацыі медыяпраектаў. Працуе кожны будны дзень з 10 да 19, а прафесійная відэа- і аўдыястудыя можа прымаць гасцей кругласуткава. Тут ёсць утульны кол-бокс і зручная канферэнц-зала на 10-12 чалавек.
Чаты і суполкі
Беларусы Грузии / BY in Georgia
Самыя вялікі чат беларусаў Грузіі, дзе можна знайсці ўсю неабходную інфармацыю для рэлакантаў. Публікуе абвесткі аб беларускіх імпрэзах, акцыях салідарнасці і іншых мерапрыемствах.
Беларусы в Тбилиси
Тут камунікуюць паміж сабой беларусы Тбілісі.
Чат Беларусы Батумі
Тут можна знайсці сваіх, а таксама атрымаць поўны гайд пра пераезд у Батумі для беларусаў.
Чат Беларусы Батумі
Тут яднаюцца беларусы Батумі.
IT Georgia
Чат беларускага IT-кам’юніці ў Грузіі.
ИП / Бизнес Грузия - ЧАТ
Прафесійны чат пра бізнэс у Грузіі.
Мамы Беларуси в Грузии
Чат створаны для камунікацыі бацькоў і вырашэння дзіцячых пытанняў у Грузіі.
В Грузии с детьми 👶
Яшчэ адна бацькоўская суполка ў Грузіі.
Беларуская жаночая суполка
Гэта прыватная суполка жанчын Грузіі, дадавацца трэба праз бота @belaryski_chat_bot.
Батумскі клуб беларускамоўнага нэтворкінгу
Суполка збіраецца ў батумскіх кавярнях, каб перазнаёміцца і займець новыя сацыяльныя сувязі. Ёсць чатыры туры. Кожны тур удзельнікі размаўляюць з двума ці трыма новымі людзьмі. Каб было пра што пагаварыць, удзельнікі атрымліваюць пытанні і адказваюць на іх па чарзе. Вынік – зваротная сувязь і новыя кантакты. Апроч знаёмстваў, суполка арганізуе заняткі па ёзе і літаратурныя сустрэчы.
Беларусы ў Грузіі: паслугі
Гэта спіс беларусаў у Грузіі, да якіх можна звярнуцца, каб атрымаць паслугу ў сваіх.
Спадабаўся матэрыял? Падзяліся з сябрамi!
