З брошкай весялей: аксэсуары ад беларускіх дызайнераў

Саша Баршчова робіць брошкі з дрэва і бісеру, натхняючыся прыроднымі матывамі, пладамі і кветкамі.

Яскравыя брошкі з эпаксіднай смалы можна дадаць у ваш штодзённы вобраз, калі хочацца крыху пяшчоты і мілаты.

Восеньскія брошкі з эпаксіднай смалы ў выглядзе пладоў, кветак, жывёл і родных вобразаў.

Паша Малаткоў стварае брошкі з металу толькі і выключна ў выглядзе кузурак. Свет інсектаў настолькі багаты, што гэта проста невычэрпная крыніца натхнення для майстра.

Ірына Бельская стварае прыгажосць з дрэва, а потым распісвае ўсё ўручную. На брошкі ідуць самыя маленькія кавалачкі дрэва, якім Іра надае свой індывідуальны абрыс і сюжэт.

Метал, кветкі і эпаксідная смала — вось інгрыдыенты яскравых упрыгожанняў, якія ствараюцца ў сямейнай майстэрні Аляксандрай, Антонам, іх двума сынамі і катом.

Дызайнерка ўпрыгожанняў Міла Ігнацік стварае свае цуды з палімернай гліны, вылепліваючы кожны пялёстак уручную.

Драўляныя брошкі Анастасіі Псеўкінай заўжды яркія і ідэальна пасуюць да колеравай гамы сезону, і пад свой колератып можна падабраць.

Керамічныя брошкі Кацярыны Юдо можна набыць на Etsy ці праз яе інстаграм.

Брошкі з медзі, тытану і дрэва стварае мастачка Вераніка Маскевіч.

Нібы жывыя. Александрыя Лапуцкая стварае брошкі, натхнёныя ягадамі, кветкамі і палявымі раслінамі, з загадкавага матэрыялу фаамірану і палімернай гліны. Гэты матэрыял дазваляе насіць упрыгожанні ў любое надвор’е, брошкі не баяцца снегу ці дажджу, не выгараюць на сонцы. І не вянуць.

Вышыўка, бісер, пацеркі і паеткі — усё гэта ператвараецца ў руках Наталіі Філіпенка ў яскравыя і часам іранічныя аксэсуары.

Ювелірны тэкстыль — так называе свой стыль мастачка і дызайнерка брошак Марыся Лось.

Сэрцы з вачыма — гэта ўжо пазнавальныя вобразы ўпрыгожанняў Алены Жаўнерчык, якая натхняецца эзатэрыкай, готыкай, бурлескам, вінтажным цыркам і выбітнымі творцамі мастацтва.

Брошкі з палімернай гліны з пацеркамі, бісерам і дробкай натхнення.

Даша Палуян стварае свае ўпрыгожанні з пластыку, які распісвае ўручную паводле аўтарскай тэхналогіі.

Вясёленькія асеннія коцікі, лісткі, грыбочкі — вось дзе сапраўдная нагода для паляпшэння настрою і павышэння ўзроўню замілаванасці ў крыві.

Львіцы з дываноў Алены Кіш ці жаночыя органы з дрэва? Чаму не? Гэта знак! Брошка — сапраўды файны спосаб абазначыць не толькі сваю індывідуальнасць, але і каштоўнасці.

Керамічныя мініяцюрныя брошкі з ручным роспісам. Іх хочацца браць адразу россыпам!

Жывыя лісткі і пёркі, пакрытыя меддзю, — цікавы аксэсуар, які дадае вагі бязважкаму прадмету.

Распісныя драўляныя брошкі — гэта сямейны праект Алега і Каці Падоліных. Іх упрыгожанні можна набыць нават на Wildberries i на oz.by.

Упрыгожанні з раслінкамі і стым-панк з дэталькамі ад сямейнай майстэрні.

Гэтыя яшчаркі ў асенніх колерах, створаныя са скуры, пацерак і металічнай фурнітуры, — плён фантазіі дызайнеркі Каці Фацеевай. Ідэальны аксэсуар на кастрычнік-лістапад.

Зміцер Васілеўскі для сваіх вырабаў вышуквае матэрыялы падчас экспедыцый па вёсках. Дрэва і метал ягоных брошак — гэта вынік разборкі і перастварэння старых рэчаў.

А вось гэтыя персанажы дакладна ўздымуць настрой любому. Марына Сімакова плавіць і выдзьмувае свае брошкі са шкла.

Партрэтныя брошкі з палімернай гліны з дастаўкай па ўсім свеце.

Керамічныя брошкі як карамелькі ад майстрыхі Ганны.

Вышываныя брошкі з сэнсам стварае тэкстыльная мастачка Багдана Куталоўская.

Простыя драўляныя брошкі — гэта цікавосткі з жыцця на хутары, якія ўвасабляюцца ва ўпрыгожанні.

Мастачка Леся распісвае драўляныя брошкі расліннымі і казачнымі сюжэтамі.

Упрыгожанні ў тэхніцы Ціфані, спалучэнне металу і шкла. Вітражныя аксэсуары, створаныя рукамі майстроў Віктара і Вольгі, могуць сказаць пра вас крыху болей, чым шармы Пандоры.