У суботу ў Лошыцкай сядзібе — музыкальна-тэатральная імпрэза «Таямніцы кахання», прысвечаная 215-й гадавіне з дня нараджэння Вінцэнта Дуніна-Марцінкевіча.
Ладзяць яе выкладчыкі Беларускай дзяржаўнай акадэміі музыкі, лаўрэаты міжнародных і рэспубліканскіх конкурсаў Ірына Лой (сапрана) і Аляксандр Данілаў (фартэпіяна).
У гісторыю Лошыцкай сядзібы заснавальнік беларускай драматаургіі Вінцэнт Дунін-Марцінкевіч увайшоў як сябра гасціннага гаспадара Яўстафія Станіслава Прушынскага і як аўтар твораў «Купала» і «Вечарніцы», у якіх галоўныя героі — жыхары вёскі Лошыца.
Праграма імпрэзы ўключае старонкі літаратурнай творчасці Вінцэнта Дуніна-Марцінкевіча і музычна-тэатральнай спадчыны Станіслава Манюшкі. Разам з Ірынай Лой і Аляксандрам Данілавым вы ўзгадаеце таямніцы кахання герояў «Пінскай шляхты», «Купалы» і «Вечарніц».
Будуць таксама арыі гераінь манюшкаўскіх аперэтты «Латэрэя» (1841) і оперы «Графіня» (1860).
У імпрэзе бярэ ўдзел Таццяна Левіцкая (скрыпка).
Квіткі можна замовіць па тэлефоне (017) 396 18 86 ці праз электронную пошту loshytsa@gmail.com.
Любое размяшчэнне матэрыялаў на іншых рэсурсах неабходна ўзгадняць з праваўладальнікамі.
Па ўсіх пытаннях звяртайцеся на sojka.editors@gmail.com