Арт-праект «Vioska Art. Успаміны з дзяцінства» ў Менску

Арт-лабараторыя «Беларускі код» і Вёска.арт прэзентуе ў Мінску арт-праект «Vioska Art. Успаміны з дзяцінства».

Галоўная філасофія праекта «Vioska Art. Успаміны з дзяцінства» — гэта пошук прадметаў і атрыбутаў настальгічных успамінаў з вясковага мінулага. Зварот да сімвалаў і знакаў, якія ўжо зніклі з сённяшняй дзіцячай штодзённасці і могуць праз прызму часу ўспрымацца, як экзатычнае і незразумелае напаўненне.

За асноўныя сродкі ўдзеяння на гледача аўтары выбралі творы мастацтва ў стылю naive art ды інсталяцыйныя прыёмы. Яны імкнуцца спалучыць сучасныя мастацкія тэхнікі з вінтажнымі прадметамі і атрыбутамі вясковага мінулага.