Праект Ганны Каран з’яўляецца асэнсаванай рэакцыяй на падзеі апошніх гадоў у Беларусі, звязаныя з пратэсным рухам як рэакцыяй на беззаконне і беспакаранасць дыктатарскага рэжыму. Ганна звяртаецца да выключна персанальных гісторый людзей і выкарыстоўвае іх асабістыя рэчы.
Удзельніцы праекту па просьбе мастачкі самі выбіралі сукенку. Каб далікатны тэкстыль не спарахнеў, Ганна пакрывае гэтыя сукенкі тоўстым пластом эпаксіду, ператвараючы кожную сукенку ў помнік. Аб’екты пачынаюць напаўняцца сэнсамі, калі Ганна выходзіць у поле, дзе «прымярае” на сукенкі жывыя кветкі і пры дапамозе фарбы фіксуе іх адбітак. Так, унутры кожнай сукенкі, Ганна кансэрвуе энергетыку чалавека і перажытых падзей. Кожнае адзенне мае сваю гісторыю і захоўвае ўспаміны пра людзей і месцы.
Выстава ў Музеі – гэта месца сустрэчы гледачоў і ўдзельніц праекта. Але, каб кожная ўдзельніца змагла пабываць на выставе і падзяліцца сваімі эмоцыямі і думкамі, мы ствараем віртуальную прастору, якая будзе дапаўняць асноўную выставу ў Музеі.
Выстава будзе працаваць да 11 лістапада.
Любое размяшчэнне матэрыялаў на іншых рэсурсах неабходна ўзгадняць з праваўладальнікамі.
Па ўсіх пытаннях звяртайцеся на sojka.editors@gmail.com