У нядзелю ў Берліне прэзентуюць кнігу Максіма Знака «Зэкамерон. Гісторыі з турмы».
У сваім «Зэкамероне», які спадар Максім напісаў у першы год зняволення, ён шматзначна, іранічна і з цудоўным гумарам распавядае пра свае новыя будні. Яго апавяданні сведчаць пра супраціў і самасцвярджэнне.
Урыўкі з «Зэкамерона» прачытае пісьменніца Герта Мюлер.
Пра тэксты Максіма Знака і пра становішча палітвязняў у Беларусі распавядуць гісторык Фолькер Вайхсель, выкладчыца Катарына Раабэ і Таццяна Хоміч, сястра Марыі Калеснікавай, прадстаўніца Каардынацыйнай рады па справах палітвязняў.