505 гадоў таму свет пабачыла першая беларуская друкаваная кніга. Палачанін Францыск Скарына засвойваў найактуальнейшыя на той час тэхналогіі, каб паставіць іх на службу свайму народу — яго культуры, ідэалам, слову. У гэтай інавацыйнай і неверагодна важнай справе беларусы апярэдзілі ўсіх судзедзяў, ды шмат якія іншыя народы Еўропы. Узгадаць і натхніцца жыццёвым шляхам нашага земляка ў форме цікавага і пазнавальнага гістарычнага квэсту запрашаюць усіх ахвочых.
Колькасць гульнявых месцаў абмежаваная, таму каб арганізатары маглі запланаваць неабходную колькасць заходаў, неабходна зарэгістравацца.