У творах Сыракомлі мы адкрываем і пазнаём сябе: без напластаванняў пафасу і прыбраных ілжывых ідэй. З яго верша «Доля» вырастае талент Янкі Купалы, непаўторная інтанацыя жыццёвай скаргі, а ў музычных увасабленнях паэзіі лірніка выразна распазнаюцца правобразы беларускай музыкі.
Напярэдадні юбілею паэта запрашаем усіх на прэм’еру адмыслова падрыхтаванай музычна-літаратурнай праграмы.
Будзем размаўляць пра феномен Сыракомлі, які, жывучы пераважна ў фальварках, а не ў вялікіх гарадах, стаў вешчуном свайго краю. Пазнаёмімся з песнямі на яго вершы кампазітараў-літвінаў: Станіслава Манюшкі, Віктара Кажынскага і Канстанціна Горскага.
А таксама разам развучым жартоўны хіт «Сеў коцік на плот і міргае», які яшчэ добра памятаюць карэнныя віленчукі.
Выступоўцы:
▪ Святлена Немагай – кандыдат мастацтвазнаўства (канферанс, фартэпіяна)
▪ Галіна Сакольнік – лаўрэат міжнародных конкурсаў (мэца-сапрана)
▪ Аляксей Загорскі – лаўрэат міжнародных конкурсаў (скрыпка)
Рэгістрацыя тут.