Запрашаем усіх беларусаў і беларусак у Польшчы сустрэцца разам у Варшаве на буйным маршы 25 сакавіка на наша свята — ДЗЕНЬ ВОЛІ!
Мерапрыемства арганізуюць беларускія грамадскія суполкі, палітыкі і СМІ для таго, каб паказаць у дзень 105-годдзя абвяшчэння Рады БНР усяму свету, як нас шмат і што мы разам.
План такі:
Замкавы пляц, 13.00 — агульны збор і марш па цэнтральных вуліцах Варшавы.
Пляц Канстытуцыі, 15.00 — мітынг-канцэрт. Плануюцца выступленні прадстаўнікоў Рады БНР, Палка імя Кастуся Каліноўскага, Аб’яднанага Пераходнага Кабінета, Вольнай Беларусі, Народнага антыкрызіснага ўпраўлення, РУХа, Паспалітага рушэньня, Каардынацыйнай Рады, Моладзевага Хаба, суполкі «Беларусы Варшавы» і іншых арганізацый.
У музычнай частцы выступяць Dzieciuki, NRM, 23:34, Пётр Клюеў, Руся, Ketevan, Сяржук Доўгушаў, Lity Taler, Дом сувязі, Atesta, Музычны рух.
Прыходзьце самі і бярыце з сабой блізкіх, сяброў і знаёмых. Святкуем Дзень Волі разам!