ГРОШЫ
Вось што ніколі не лішняе, калі ў краіне вайна. Пры гэтым любая сума мае сэнс, і тут не бывае нязначнай дапамогі: вялікае складаецца з малога. Вось спіс фондаў, рэсурсаў ды ідэяў, куды можна накіраваць фінансавую дапамогу.
УКРАІНСКІЯ ФОНДЫ
Праз дзеянні людзей, якія акупавалі ўладу ў Беларусі і дазволілі Расеі страляць з нашай тэрыторыі, украінскія банкі не праводзяць ніякіх аперацыяў з беларускімі рублямі, беларускімі фізічнымі асобамі і не дазваляюць ніякія пляцяжы з нашых картак. Таму ўкраінскія фонды для нас часткова недасяжныя – хіба што мы знаходзімся за мяжой, маем рахунак у замежным банку або дамовіліся са знаёмымі, якія заданацяць на ўкраінскі рахунак за нас.
- асноўная платформа для падтрымкі ўкраінскай арміі.
- Англамоўная старонка, на якой сабраныя асноўныя фонды і ініцыятывы па падтрымцы Украіны – тут можна знайсці і спосабы падтрымаць войска, і спрычыніцца да гуманітарнай дапамогі, і стаць валанцёрам.
- адмыслова створаны рахунак, куды можна пералічыць грошы на патрэбы арміі.
ВАЛАНЦЁРСКІ ШТАБ ТЭЛЕВЯДОЎЦЫ СЯРГЕЯ ПРЫТУЛЫ
- збірае грошы на зброю, медыкаменты і прадметы першай неабходнасці для абаронцаў Кіева.
- які працуюе на перадавой — ініцыятыва вядомай лекаркі-добраахвотніцы Яны Зінькевіч. Тут камплектуюць людзей амуніцыяй і медыкаментамі, адпраўляюць медычныя экіпажы ратаваць людзей.
«ГАЛАСЫ ДЗЯЦЕЙ» І «КОЖНЫ МОЖА»
- дапамагаюць дзецям, якія перажылі псіхалагічную траўму з-за вайны, і дзецям з інваліднасцю з сем’яў, якія пацярпелі ад вайны.
- перадае медыкаменты на лінію фронту.
- дапамагае пацярпелым на ўсходзе Украіны.
- актывісты Данбаса, якія займаюцца каардынацыяй дапамогі грамадзянам на ўсходзе Украіны.
#BYSOL
Самая буйная беларуская ініцыятыва па зборы сродкаў на патрэбы Украіны. Сабраныя сродкі перададуць ініцыятывам, якія займаюцца дапамогай украінскім медыкам і грамадзянскаму насельніцтву ў зоне канфлікту. Данаціць і браць актыўны ўдзел тут можна адрасна па праграмах:
- Падтрымаць беларускія атрады, што змагаюцца на баку Украіны.
- Падтрымаць армію, мірнае насельніцтва і медыкаў.
- Канал пра эвакуацыю з Украіны: дапамагчы і атрымаць кансультацыю.
ІНШАЯ ФІНАНСАВАЯ ДАПАМОГА
- дабрачынны фонд, які вядзе найбуйнейшы ў Польшчы збор сродкаў на дапамогу ахвярам вайны ва Украіне. Фонд арганізуе гуманітарныя грузы для Украіны ў вялікіх аб’ёмах: вязуць прадукты, медыцынскія матэрыялы для бальніц.
- збор сродкаў вядзецца на непасрэдную дапамогу людзям, якія ўцяклі са сваіх дамоў, на тэрыторыі Украіны і Польшчы: гэта прадукты, сродкі гігіены, пункты дапамогі бежанцам на мяжы, псіхалагічная дапамога.
- сродкі будуць пералічвацца ўкраінскім арганізацыям, якія займаюцца гуманітарнай дапамогай.
- закупляюць прадукты, сродкі гігіены, коўдры, спальныя мяшкі, палявыя кухні, а частка сродкаў ідзе на псіхалагічную дапамогу.
- аказвае дапамогу арганізацыям, якія працуюць з уцекачамі на ўсходзе Украіны.
Арэнда жытла ва ўкраінскіх гарадах праз Booking.com або Airbnb.com – спосаб выказаць салідарнасць, фінансава падтрымаўшы рандомных украінскіх хостаў, якія, верагодна, надоўга засталіся без сапраўдных гасцей-турыстаў.
ДАПАМОГА ЎЦЕКАЧАМ
Ад пачатку вайны Украіну пакінула больш за тры мільёны жыхароў. У першую чаргу ўцекачоў прымаюць Польшча, Вугоршчына, Малдова, Румынія ды Славакія. У блізкай Еўропе ўцекачоў ад вайны часта сустракаюць беларускія ўцекачы ад рэжыму, якія пасля 2020 года вымушаныя былі пакінуць дом, і добра разумеюць, што такое апынуцца за мяжой з адной валізкай.
ЭВАКУАЦЫЯ
яшчэ нядаўна гэтая арганізацыя надавала поўны спектр дапамогі рэлакантам і ўцекачам з Беларусі ў Кіеў, а сёння рэгулярна ажыццяўляе эвакуацыйныя рэйсы з Кіева да польскай мяжы. Зараз арганізацыя дапамагае не толькі беларусам, а ўсім, каму патрэбна, – кансультуюць у тэлеграме @VolunteerFBC, па тэлефоне +380635233557.
пра эвакуацыю з Украіны: дапамагчы і атрымаць кансультацыю, а таксама адмысловы сайт пра эвакуацыю.
БЕЛАРУСКІЯ ВАЛАНЦЁРСКІЯ ІНІЦЫЯТЫВЫ
- Беларускі хаб – збор гуманітарнай дапамогі, дапамога ў пошуку жытла.
- Partyzanka – кансультацыі па пытаннях эвакуацыі і легалізацыі ў Польшчы.
- DAR – гуманітарная, транспартная дапамога, пошук жытла.
- Канал валанцёраў, дзе можна знайсці і прапанаваць дапамогу.
ЖЫЛЛЁ
- Дапамагчы ўцекачам з жыллём у любой краіне і горадзе можна, запоўніўшы гэтую форму.
- ICANHELP.HOST – яшчэ адзін зручны рэсурс для прапановы жытла ўцекачам з вайны, створаны беларускімі айцішнікамі.
- Мапа беларускай вытворчасці, на якой можна пазначаць прапанову экстранай дапамогі
ЗБОР НЕАБХОДНЫХ РЭЧАЎ
У большасці вялікіх гарадоў у дзяржавах, што мяжуюць з Украінай, ёсць пункты збору неабходных рэчаў для ўкраінскіх уцекачоў. Звычайна інфармацыю пры такіх пунктах валанцёры абнаўляюць штодзень, таму заўжды лепей падпісацца на сацсеткі такіх ініцыятыў. Мы сабралі найбольш вядомыя з іх – у розных гарадах, дзе таксама знаходзіцца нямала беларусаў.
ШТО ЗБІРАЮЦЬ?
СРОДКІ ГІГІЕНЫ
- Дэзадаранты
- Зубныя пасты і шчоткі
- Падпаскі
- Памперсы
- Туалетная папера, мыла і інш.
АБАРОНА АД ХОЛАДУ І ДАЖДЖУ
- Пледы і коўдры
- Спальнікі
- Падкладкі пад матрац з непрамакальнай фольгі
- Матрацы
- Адзенне (новае або ўжыванае ў вельмі добрым стане)
- Непрамакальныя плашчы і інш.
ЕЖА
- Вада
- Ежа хуткага прыгатавання
- Макарона
- Энергетычныя батонікі
- Арэхі, разынкі і г.д.
- Кансервы
- Аднаразовы і шматразовы посуд
ІНШАЕ
- Запалкі
- Ліхтарыкі
- Паўэрбанкі
- Свечкі
- Наборы першай дапамогі
ПОЛЬШЧА
- ВАРШАВА
1. Беларускі моладзевы хаб (Pl. Konstytucji 6)
Тут можна ахвяраваць грошы, прапанаваць жыллё ўцекачам, пакінуць медычныя сродкі – у залежнасці ад патрэбаў і канкрэтнага збору ў пэўны дзень. У фонд ужо паступіла больш за 230 заявак ад гаспадароў жытла з прапановай прыняць уцекачоў. Дадаць сябе ў базу можна тут.
2. Пункты збору гуманітарнай дапамогі. Тут можна знайсці найбліжэйшы пункт – на сёння іх па Варшаве ажно 28.
3. Здаць кроў для ўкраінскіх вайскоўцаў можна тут: Regionalne Centrum Krwiodawstwa i Krwiolecznictwa w Warszawie, Saska, 63/7
4. Група Засобы Варшава – арганізацыя, якая дапамагае з жытлом тым, хто ўжо прыбыў у польскую сталіцу.
- КРАКАЎ
Збор рэчаў для ўцекачоў адбываецца тут: Stadion Miejski im. Henryka Reymana з 12 да 18 гадзін, а па выходных – з 9 да 15.
Здаць кроў можна тут: Regionalne Centrum Krwiodawstwa i Krwiolecznictwa w Krakowie – ul. Rzeźnicza, 11.
- БЕЛАСТОК
Тут можна прапанаваць дапамогу і папрасіць пра яе.
- УРОЦЛАЎ
Суполка беларусаў, якія аб’ядналіся, каб дапамагаць украінцам. Калі вы ў Вроцлаве, можаце далучыцца да сваіх.
- ТРУЙМЯСТА: ГДАНЬСК, ГДЫНЯ, СОПАТ
Калі вы жывяце ў Труймесце, па гэтай форме, створанай суполкай беларусаў, можна прапанаваць сваю дапамогу: жыллё, транспарт, паслугі перакладчыкаў ці дапамагчы фінансава.
- МЯЖА PL-UA
Тут можна далучыцца да валанцёраў, якія дзяжураць на мяжы. Калі вы кіроўца і ў вас ёсць вольная машына, можна валанцёрыць на мяжы, дапамагаючы перавозіць грузы і людзей.
Калі ў вас ёсць транспарт, то можна прыехаць на склад на мяжы з Украінай helpukraine.center, дзе прымаюцца медыкаменты, гуманітарная дапамога, сухія пайкі.
ЛІТВА
- ВІЛЬНЯ
1. «Актыўным быць файна» ў Літве – ініцыятыва беларусаў і беларусак у Літве, якая збірае патрэбныя медыкаменты і неабходныя рэчы для ўкраінцаў і ўкраінак. Офіс па адрасе Pylimo g. 6 працуе з 11.00 да 20.00 у буднія дні, з 11.00 да 17.00 у выходныя. Збор можна падтрымаць фінансава або прынесці патрэбныя рэчы і вялікія скрынкі. Больш падрабязна просяць звяртацца ў тэлеграм.
2. Збор сродкаў арганізуе і Еўрапейскі гуманітарны ўніверсітэт, дзе можна даведацца пра найбліжэйшыя планы і патрэбы.
3. «Разам» – фонд дапамогі беларусам, які цяпер дапамагае і ўкраінцам. Тут шукаюць валанцёраў для сустрэчы ўцекачоў на пункце Дарагуск-Асада, асабліва вітаюцца валанцёры з уласнымі аўтамабілямі.Таксама патрэбныя ахвотныя для сарціроўкі гуманітарнай дапамогі на мяжы. Валанцёраў просяць пісаць у дырэкт інстаграма, або ў тэлеграм-канал.
ГРУЗІЯ
- ТБІЛІСІ
У горадзе арганізавана некалькі пунктаў гуманітарнай дапамогі, самы буйны з якіх знаходзіцца каля пасольства Украіны (Чаўчавадзэ, 76).
Іншыя кропкі збору гуманітарнай дапамогі ў Тбілісі:
- Паліяшвілі, 60.
- Tamar Chovelidze 8; працуе 12:00-21:00.
- Офіс Shame, Аляксандра Чаўчавадзэ 8. Штодня, з 11:00 да 15:00. Кантакт: +995 574 700 740.
- Бар GRAALI на Grigol Abashidze 4.
- Галактыёна Табідзэ, 9
- Radio cafe, Атанэлі, 29.
- БАТУМІ
Пункт на Парнаваза Мэпе, 46 (скрыжаванне з Гамсахурдыя) працуе кругласутачна. Арганізавалі яго грузінскія актывісты сумесна з беларускай, украінскай і расейскай дыяспарамі.
Іншыя кропкі збору ў Батумі:
- Гамсахурдыя 6, adjika_batumi, 995 595091631.
- Парнаваза Мэпе 92/94, Batumi Dance Center, 995 557290297.
- Кафэ «Мануфактура» вул. Лермантава, 21, 597165253, 592096464.
- Куток кавы Lavazza ў Batumi Mall (першы паверх).
Калі вы не ведаеце, што менавіта купіць / перадаць у пункт прыёму гуманітарнай дапамогі, то можаце ўдакладніць па нумары +995 568 92 92 92.
- КУТАІСІ
Пункт збору дапамогі на Чаўчавадзэ 45, рыбалоўная крама.
НЕМАТЭРЫЯЛЬНАЯ ДАПАМОГА
Шчырая салідарнасць не мае межаў. Нехта ахвяруе грошы і прапануе цёплы ложак, хтосьці – свой прафесіяналізм, талент, час, ідэі. Змагацца са злом можна не толькі на танку, дапамагаць братам-украінцам, а разам з імі і ўсяму чалавецтву – любымі дасяжнымі спосабамі.
- Тыя, хто знаходзіцца ў Беларусі, Расеі, могуць напісаць пра заўважаныя перамяшчэнні вайсковай тэхнікі з дакладным указаннем месца ў тэлеграм @stop_russian_war_bot
- Conflict intelligence team – арганізацыя, якая сочыць за перамяшчэннем войскаў і разам з разведкамі з заходніх краінаў паведамляла пра імавернасць уварвання Расеі на тэрыторыю Украіны, шукае валанцёраў для дапамогі ў аналізе, фільтрацыі, катэгарызацыі інфармацыі, якая паступае (фота, відэа, спадарожнікавыя здымкі).
- Валанцёры літаральна за ноч стварылі сайт для грамадзянаў Беларусі «Застанься дома», дзе патлумачылі, чаму беларускім вайскоўцам нельга выконваць загад і ісці ваяваць супраць Украіны. Вы можаце паказаць гэты сайт знаёмым або інакшым чынам заклікаць суайчыннікаў не ўдзельнічаць у кровапраліцці.
- «Украінская валанцёрская служба» набірае валанцёраў для дапамогі людзям – ёсць магчымасць дапамагчы аддалена.
- Фонд медычнай салідарнасці і Белыя халаты абвесцілі набор беларускіх дактароў для адпраўлення на ўкраінскі фронт.
АНТЫВАЕННЫЯ ПРАТЭСТЫ
27 лютага ў Беларусі прайшлі антываенныя акцыі, у выніку чаго былі затрыманыя больш за 1000 пратэстоўцаў. Беларусаў утрымліваюць у ізалятарах у нечалавечых умовах толькі праз тое, што яны наважыліся публічна выказацца супраць дзеянняў людзей, якія захапілі і сілай утрымліваюць уладу ў краіне, уцягваючы Беларусь у бессэнсоўную, кровапралітную вайну з найбліжэйшымі суседзямі. Мітынгі супраць вайны, развязанай Расеяй, прайшлі ў Еўропе і па ўсім свеце, на ўсіх дэманстрацыях было шмат беларусаў і бел-чырвона-белых сцягоў.
Спадабаўся матэрыял? Падзяліся з сябрамi!
