Чырвоныя лямпачкі. Калі пара да спецыяліста

• пражываеце цяжкі разрыў стасункаў;
• знаходзіцеся ў вострай фазе гора (страта блізкага чалавека, значнага чалавека і ў некаторых выпадках — смерць гадаванца);
• затрымаліся ў канфліктнай сітуацыі любога ўзроўню;
  не выцягваеце свой гнеў і ён выліваецца ў галаўны боль напружання;
• перажылі або перажываеце востры стрэсавы разлад (напрыклад, у вас на вачах збілі чалавека і якасць вашага жыцця рэзка пагоршылася).

• бессань або інверсія сну (спіце, калі час не спаць і наадварот) у выніку любога стрэсавага разладу;
• прыступы трывогі, не матываваныя знешнімі акалічнасцямі;
• боязь чаго-небудзь (самалётаў, жамяры і г. д.);
  панічныя атакі;
• раптоўныя слёзы як бы на «пустым месцы»;
• грызенне пазногцяў, вырыванне валасоў, павек, броваў, паяданне кавалачкаў скуры;
• страта цікавасці і цікаўнасці да жыцця;
• з’яўленне суіцыдальных думак;
• агульная жыццёвая стомленасць, пазначаная фразамі тыпу «ў труне адпачну», «пасля смерці высплюся»;
• нясмелыя летуценні пра тое, як было б добра трапіць у бальніцу з бяспечнай нагоды;
• быў досвед арышту або затрымання;
• ёсць досвед любога тэрміну ў пенітэнцыярнай установе;
• валанцёрская праца даўжэйшая за трое сутак;
• трапленне пад святлошумавыя гранаты;
• эвакуацыя;
• бежанства;
• смерць дзіцяці, уключаючы ўнутрычэраўную;
• аб’юзіўныя стасункі любога ўзроўню складанасці;
• так званая маральная траўма (калі на вашых вачах адбылося нешта, чаму вы маральна павінны былі, але не змаглі перашкодзіць);
• незразумелыя на халодную галаву сваркі;
• заяданне або запіванне (усё роўна, кавай або алкаголем, эмоцый);
• рэзкі набор або страта вагі;
• адчуванне з цяжкасцю вербалізаванай пустэчы (якую неабходна запоўніць ежай або сэксам, ажно да праміскуітэту).

• вашы эмоцыі не паддаюцца кантролю і/або палохаюць вас саміх;
• вы мала, дрэнна і трывожна спіце;
• вы не спіце больш за два дні (тэрмінова!!!);
• у вас падвышаная маторная актыўнасць на фоне бессані (тэрмінова!!!);
• вам здаецца, што за вамі сочаць (больш, чым паказана ў дакументальных фільмах пра сацыяльныя сеткі);
• вам цяжка ўстаць з ложка;
• на звычайныя справы патрабуецца неверагодная колькасць сіл (часта маральных);
• вы сядзіце і глядзіце ў пустэчу пасля кожнага працоўнага дня;
• вам цяжка вымыць галаву і/або, пасля таго як апрануліся, неабходна перадыхнуць;
• вы баіцеся замкнёных прастор;
• вам страшна ў натоўпе (нават калі гэта справакавана псіхатраўмавальнымі падзеямі);
• вы падвяргаліся катаванням (максімальна хутка, пры першай магчымасці);
• вы падвяргаліся пагрозам;
• у вас амнезія;
• у вас дысацыятыўныя перажыванні;
• у вас стойкая патрэба кантраляваць блізкіх рознымі спосабамі;
• у вас перапады настрою: ад гіпервясёлага да поўнай апатыі (ад двух цыклаў);
• вы займаецеся сэлфхармам (агрэсія, накіраваная на сябе, якая праяўляецца ў розных формах нанясення самому сабе шкоды);
• у вас ёсць суіцыдальны план.

Ну і, зразумела, не забывайце пра штогадовы чэк-ап арганізма ў цэлым: пад вялікай трывогай хуткасць зносу ўнутраных органаў павялічваецца праз парушаныя працэсы аднаўлення (рэакцыя на картызол), таму неабходна штогод правяраць аналізы, неўралгію і шчытавідку з іншымі пячонкамі-селязёнкамі.