Што рабіць, калі вы ў Беларусі і ахвяравалі ў фонды салідарнасці

Пачалося ўсё з гучнай заявы беларускіх сілавых ведамстваў аб тым, што яны атрымалі доступ да дадзеных тых, хто рабіў ахвяраванні ў фонды BySOL і BY_help. Насамрэч узлому не было, але сілавікі знайшлі хібу ў працы папулярнай сацыяльнай сеткі Facebook. Высветлілася, што ў акаўнтах захоўваецца інфармацыя аб усіх данатах.

• ВАЖНА! Каб упэўніцца, што чалавек рабіў данаты, трэба атрымаць доступ да ягонага акаўнта. Менавіта ў такім парадку, а не наадварот. То бок выклікаючы на размовы, спецслужбы не маюць стоадсодкавых доказаў, на што той ці іншы чалавек данаціў.

Таксама ў небяспецы тыя, хто рабіў ахвяраванні з беларускіх ці расейскіх банкаўскіх рахункаў. Такіх людзей улады вылічваюць ужо працяглы час праз інфармацыю, якую яны атрымліваюць ад банкаў.

• ВАЖНА! Замежныя банкі і плацежныя сістэмы не даюць такой інфармацыі беларускаму боку.

У першую чаргу, цікавасць сілавікоў тычыцца прадстаўнікоў ІТ-сектара і банкаўскай галіны. Калі абагульніць — прыходзяць ды тых, хто мае грошы. Чаму? Бо адна з прапаноў — зрабіць данат у добранадзейныя з пункту гледжання дзяржавы фонды, каб «загладзіць віну» і пазбегнуць прыцягнення да крымінальнай адказнасці. Паводле непацверджаных дадзеных, у спісах уладаў каля 5 тысячаў чалавек.

З’язджаць. Такую параду дае заснавальнік фонду BySOL Андрэй Стрыжак.

У найбольшай зоне рызыкі тыя, хто:

• пакідалі каментары пра палітыку Аляксандра Лукашэнкі і сілавікоў;
• адміністравалі чаты, асабліва пратэсныя;
• могуць мець фота з пратэстаў ці быць апазнанымі праз сістэму ідэнтыфікацыі асобаў.

Выдаліць Facebook. Папярэдне варта перавесці акаўнт на пошту, якой вы ніколі не карысталіся ці карысталіся вельмі рэдка. Цягам 30 дзён з моманту выдалення аккаўнта можна аднавіць яго, калі атрымаць доступ да актыўнай пошты.

ВАЖНА! Падтрымку і кансультацыю аб тэрміновай эвакуацыі можна атрымаць у ТГ @help_bysol

Падтрымліваць зборы патрэбна і важна, але варта рабіць гэта бяспечна.

• не ўжываць беларускія і расейскія карты і плацежныя сістэмы
• не рабіць гэта праз Facebook, калі вы ў Беларусі
• не давяраць сілавікам, што б яны ні абяцалі